香港三流成績 升學英國 點解有得救?

UK University

香港三流成績 升學 英國 點解有得救?

唔知由幾時開始,去英國讀書,變成萬馬奔騰咁一窩蜂,而且目標只係得一個,爭入牛津劍橋。

而然牛津劍橋並非專為中國和香港尖子而設的,否則一早就在亞洲設了分校。

為了保持五百年的國際聲譽,牛津劍橋還要對全世界「做生意」,否則就不會出現以巴戰爭之後最近震動世界的辯論一幕:猶太人名嘴Ben Shapiro為以色列轟炸加沙辯護,對手係一個帶着頭巾的牛津大學阿拉伯女學生,竟然話:以色列濫殺平民,係戰爭罪犯。當Shapiro 反駁:第二次世界大戰,希特勒挑起戰爭,邱吉爾德國也炸死許多德國城市的平民,這筆數又點計?那個戴住頭巾的阿拉伯女生竟然說:邱吉爾的皇家空軍在德國並無轟炸平民。

老實說,香港的家長無須再盲目崇拜牛津劍橋。英國第一流的生涯規劃導師,其實亦會引導應考A-Level的 英國 學生分散投資,甚至避開牛津劍橋,有時候甚至會放眼羅素集團成員大學以外的學位。Which makes perfect sense,學科如營養學,排名第一的是寂寂無名的Surrey,物業及資產管理學則以雷丁大學為首。

即使想修讀所謂「熱門科目」,但香港讀書成績差強人意,於名校Form 3幾乎被趕出校,換轉跑道到英國,考入牛津劍橋讀法律經濟系的,我亦見證過。

你話don’t always look at the exceptional cases。有位學生,小學成績平平,勉強靠關係上到喇沙拔萃Form 1滿江紅,嚇到阿媽即刻踢他去 英國 ,考入排名接近300的寄宿學校,仍然輕輕鬆鬆順利考入英國大學,修讀Business和Marketing相關學科,畢業之後躋身不到摩根士丹利等投行,但兜兜轉轉憑着寄宿學校學到的社交能力,於各行各業發光發亮的我亦見過不少。

倫敦有一個都市傳說:廿年前,大量鬼仔鬼妹當初考入牛津劍橋失敗,最終只考入排名中中的英國普通大學,而他們投身社會後,做到人力資源部主任或老細級的權力高位,當他們招聘Fresh Grad時,反而有一種報復心理,但凡牛劍畢業一概不錄用。

一位匿名大公司人力資源部朋友話我知,今日許多大公司和中小企業,對牛津劍橋的畢業生也不太偏好。因為這班精英一旦Interview,就急於表達領袖才能,將間公司由頭到尾做晒DD。

人哋只係想請你做實習Intern,你就搶先擺出個Company Doctor高高在上的身份,話人哋間公司有乜缺點,應該如何改善,滔滔不絕,搞到個HR Lady和Supervisor 你眼望我眼,於是只有好有禮貌地請他等答覆。個答覆係點,你都可以想像。朋友補充,HR當然睇重個人能力,但今時今日工作態度、工作經驗、解難和學習能力更為難得。

在英國讀書,別只看表面嗰一層。我第一批學生,有一個,喺香港讀到炒晒車,媽咪以淚洗面,唔知點算好。班主任又宣判:你個仔資質麻麻,暗示佢應該轉去Band3學校。媽咪聽到有如晴天霹靂,最後決心將他送去英國。

緣份下認識了我,當然幾叻都好,個仔咪旨意Oxbridge,只係脆脆地入讀一間我哋兩位都唔想講個名出來的大學,A-Level都只係1B2C之類。

但你咪理,他係一個 Late Boomer,大學畢業Two-one,現在倫敦金融城工作,仲媾咗個法航空姐,而家唔肯返香港(呢個唔關我事)。我識得好多這樣的香港仔,去到英國,話英國俾返自信俾佢。

確實,好多人從來無法想像,一個南亞裔人士,點解可以做到英國首相?這就是另一個你不知道的海闊天空的英國。

如果南亞裔做到唐寧街十號主人,而住在重慶大廈隔離的美麗都,又或者深水埗觀塘的居屋,邊個可以睇死有一日不會搬上山頂的豪宅?只需要去英國過一過冷河。

雖然話騎牛搵馬,但冇一隻牛俾你騎,手上又冇把劍,絕對唔係世界末日。反而,輕身上路,更冇壓力。香港三流成績,想去英國升學,目標不是只有考入牛津劍橋單一一條路。

考不上牛劍,不是非黑即白,否定未來所有機會。別為一棵牛劍樹,放棄一整個英國大學的森林。更上一層樓的意義,往往是找尋到令自己銳變、華麗轉身的那條鎖匙,從而搵返自己。

在英國,搵返自己。首先,俾英國搵到你先,而第一步,你又識得搵到Samuel 。

您可能感興趣的文章