隔離枱的女士突然在電話裏咆吼，吸引了全場目光。「有冇搞錯呀你！帶咗你去一百次喇，咁都唔知出口喺邊？C 出口呀！C1 呀！」
講完電話之後，聽到女士向面前的丈夫投訴：「你個仔呀，真係唔記嘢㗎！」説時遲那時快，電話又響起來。「喂！點呀？梗係轉右啦！你有冇見到7-11呀？見唔到？咁你行返去第二邊啦。唉！算喇！我叫 Miss Wong 落嚟帶你上去喇，你企定唔好郁啦。」
跟兒子掛線後，媽媽便打電話給 Miss Wong，告訴 Miss Wong 兒子的位置。一切處理妥當，她又跟丈夫投訴，「14歲都咁鬼蠢，你話點算？」
被「愛」剝奪的學習機會
我在那刻對那位我完全不認識的14歲「小朋友」有點愧疚，因為本來我是可以救他一命的，但我還是任由這位母親把他親手殺掉。我本來可以鼓起全身的勇氣，跟這位媽媽説：「你有冇諗過，蠢嗰個未必係你個仔，而係你。係你蠢在唔識教仔，係你蠢在慢慢喺佢身上攞走一個又一個學習處理問題嘅機會。」
帶咗佢去一百次又點？每次，你係咪帶住佢行，由佢自己玩電話？如果係咁，佢點會學識睇路？「睇路」呢兩個字好得意。細個，阿媽同你講「睇路呀」，係一種叮嚀；大個，對家同你講「睇路呀」，係一種警告。
原來睇路是一種生存技能。但試問，如果一個人，由細到大條路都有人幫佢睇住，佢又點會學識點樣睇路？
讀書與現實的落差
讀書好有沒有用？一定有，因為讀書是給你的腦袋注滿你需要知道的東西，但其實讀書完全沒有教你怎樣把學到的東西，應用到一個適者生存的殘酷世界。為甚麼讀書其實好舒服？因為讀書是為了考試，而考試就是，把世界簡化成幾條問題，你利用你的知識回答問題就可以了。但現實世界是這樣嗎？
出來社會做事，世界上的每個問題跟考試卷上的問題最最最不同的地方是，世界上的問題是沒有指定答案的。最重要的是，根本就不會有人把世界上的問題簡化成幾條問題去考你，因為究竟問題在哪裏就是你第一個要找出的答案。
在實踐中學會「睇路」
在英國讀 boarding school 不是唯一學習「睇路」的方法，但這肯定是一個不斷給學生機會去考驗、適應和主動為自己爭取的地方。
明天（11號）及下周六（18號）是英識教育展，有多家像 Gordonstoun 和 King’s Cantebury 、 Concord、St Mary’s Calane等的名校都會派代表出席。如果你有興趣知道英國學校會否是一個幫到小朋友的地方，歡迎到場親自體驗。