2025年DSE、A-Level 陸續放榜，而我，一如既往，收到無限電話問今年英國UCAS Clearing有冇得讀醫。事關總有一批成績不俗但未達預期的DSE同學，卻因一兩粒星而與理想失之交臂，無緣衝入香港醫學院，想轉戰英國；又或者，A-Level放榜，成績比Predicted Grade更好，想更上一層樓。食正Clearing叩門時段，會唔會有機會「補飛」入 英國醫學院 ？
事實上，英國醫學院於Clearing期間的確會偶爾曇花一現，上年就有英識學生成功拎到醫學院Offer，今年UCL Clearing竟然有MBBS Medicine 。但就算有位，絕大部分香港同學都未必能即時把握。關鍵問題在於——你有沒有預先考UCAT？
Clearing有無醫學院位？有，但未必屬於你
Clearing是英國大學的補錄機制，每年七月起，各大院校會釋出未滿額學位，讓未獲心儀Offer的學生「叩門」。理論上，醫學院都可以透過Clearing錄取學生——但現實中，醫學院空缺極少，即使偶有一兩個名額，競爭都極為激烈，而且申請學生需遞交UCAT或指定醫學入學試成績。換句話說，無考UCAT，基本上無可能叩門。
UCAT——入場券，唔係可有可無
UCAT（University Clinical Aptitude Test）是英國絕大部分醫學院的入學必備考試，一般而言，考生需要在申請大學前完成考試。假如你只專注準備DSE，完全未理會UCAT，Clearing出現醫學位時，也再與你無緣。
兩手準備，才是穩妥之道
若你心底有強烈想讀醫的念頭，建議學生報考UCAT，同步準備英國大學聯招UCAS報考英國醫學院。一旦DSE成績有變動，至少手頭有齊所需材料，能即時把握任何機會，亦建議不要等Clearing「執雞」，風險太高。
Clearing從來唔係醫學院申請的「捷徑」，而是給早有準備者的第二次機會。
提提你，今年UCAT考試7月7日開始，9月19日最後截止報名，下年想讀醫的你，記住提早部署，擬定Plan B，才不會在最後時刻飲恨。