【Oh!爸媽】走過那些年:15件英國留學生的集體回憶 Part 3

UK chitchat

article-no724

1. 英國的水龍頭一邊是火山溫度的熱水,另一邊是北極溫度的冰水。希斯路機場廁所的水喉只有冒煙的熱水,洗完雙手變了紅燒鵝掌。

2. 由冬令時間變為夏令時間會撥快一小時;日照時間特別長,成夜晩十點先天黑,放學去完pub返到屋企都未天黑。

3. 消費稅非常高,VAT佔20%。 每次去機場check in前見到Tax Refund的人龍也嚇一跳,原來給£15就可以省卻排隊時間,有專人為你辦理手續。

4. 英國人好鍾意small talk,講天氣可以講半個鐘,講下屋企附近新開的咖啡店又半個鐘,兜兜轉轉,最後幾分鐘先入正題,試過打電話去餐廳預約講了35分鐘先訂到張枱。

5. 英國的天氣變幻無常,英國人落雨都唔興擔遮。一來英國風大,開得把遮都吹爛,就算把遮夠硬淨,開得幾分鐘雨都停了。只要一件Mackintosh,加頂flat cap就搞掂。

6. 秋天遍地紅葉,十足韓劇場景,可以盡情影相,不用去日本也有紅葉睇。

7. Local food market的海鮮十份便宜,大概 £10就買到一條新鮮的三文魚或者一隻生猛龍蝦。

8. 在英國幾乎餐餐都瘋狂食芝士,加埋prosciutto和salami就更加正。明明英國£3就買到包 parma ham,喺city’super要百幾蚊先買到。

9. 離開英國後,最懷念的是和flatmates煮飯的日子。由一位好少入廚房的港孩變成十八般廚藝樣樣皆精的港男。

10. 趕時間但肚餓又想慳錢可以去超市買份£3的Meal Deal:有sandwich,crisps和汽水,簡簡單單又一餐。

11. 英國戲院張戲飛紙咁薄,好容易當發票扔掉。入場時,職員會撕一撕戲飛表示已經入場。

12. Tesco和Sainsbury’s也是英國價廉物美的連鎖超市,£1.2的英國餅乾來到香港的Taste/Jason賣$40,足足貴三倍還變了高級品牌。

13. Boots是英國藥妝店之首:無論化妝品、身體護理用品、專業藥劑師和曬相服務通通也齊備,重點是經常劈價,買到你荷包出血。

14. Weekend和三五知己去倫敦West End看musicals是留學生美好的回憶,Lion King,Les Misérables、Phantom of the Opera也值得再三回味。

15. 畢業了,回港後經常想回到舊時,繼續做學生,在英國貪多一點無憂無慮的日子。

您可能感興趣的文章