「拿，陳太，去英國升學最緊要咩呢，要Edwin自己學到咩叫做獨立。英國人好重視自我獨立生活，Edwin去到要自己處理家務，煮飯洗衫都係自己搞掂。」
這些說話，對一個教育者而言是老生常談，像天氣先生日日說「室內氣溫22度，相對濕度百份之七十五，間中有雨。」一樣。
但所謂知易行難，容易說出口的話未必知道何解，天氣先生都不一定知道22度即是幾凍。而昨日就發生了一件令我無比尷尬，甚至想再回英國讀多幾年書的事…
話說中午出席完一個公開場合，回公司繼續拼搏。我不是一個咖啡癡，不是一杯接一杯啡不離口的人，但真係眼瞓到飛起，開了一包剛從網購網站買來的即沖咖啡提一提神。低B的我用鮮奶沖咖啡，還將杯放進微波爐叮…
「嘩！微波爐大爆炸！」全場同事靜哂，目瞪口呆，以為真的大爆炸。「哈哈哈，腦細係咪搞笑呀你！」「快啲抹返乾淨啦點叮飯呀！」「低能仔！」唔…sorry囉。我好想抵賴，這種低給錯誤純粹是因為我太眼瞓，沒精神所以才出事。但此時此刻，在眾同事的恥笑聲中我實在一句話都說不出，只是好想搵窿捐…
這個故事雖然出不出甚麼大道理，但應該足夠告訴各位自立的重要性。廿幾歲人，熱咖啡仍放進微波爐叮這種事說出來都覺得羞恥…不過，我偏要說出來，學似越王勾踐，要記住自己的屈辱，下次不會再犯。
陳太，Edwin，我對你唔住…去英國記得要學識沖咖啡，唔好好似我咁…